Cikalleshi shënon golin e parë në Arabi në minutat shtesë, por ekipi i tij humbet në minutën 101
Sulmuesi i Kombëtares, Sokol Cikalleshi ka gjetur më në fund rrugën e rrjetës, në kampionatin e Arabisë Saudite ku u transferua merkaton e kaluar.
Kavajasi realizoi nga pika e bardhë e penalltisë golin e barazimit në minutën 90+2’ me fanellën e skuadrës së Al Khalej, në duelin ndaj Al-Fateh, i cili rezultoi dramatik.
Miqtë arritën të fitonin me rezultatin 1-2, falë golit të realizuar në minutën 90+11’. Gjyqtari kishte akorduar plot 10 minuta shtesë, teksa në frymën e fundit erdhi dhe goli i fitores për Al-Fateh.
Skuadra e Cikalleshit po kalon një moment të vështirë në kampionat, duke u renditur në vendin e 14-të me 4 pikë në 7 ndeshje. Vetëm 3 gola të shënuar dhe 11 të pësuar.
Cikalleshi holds his nerve late on and squares it up from the spot 🥅#RoshnSaudiLeague | @Khaleejclub | @EnFatehclub pic.twitter.com/iFMxcoQYnM
— Roshn Saudi League (@SPL_EN) October 11, 2022
Kujtojmë se Cikalleshi është huazuar ëpr një sezon nga Konyaspor me të drejtë blereje, gjë që me shumë mundësi do të ndodhë.
Ishte paksa surprizë ky vendim i Cikalleshit për të lënë Europën dhe të transferohet në Arabi, vend që ka një kampionat shumë të dobët.
