“Do tia dëgjoni emrin në të ardhmen…” Panucci nuk ka dyshime mbi CDK. Pioli fajëson veten
Ka mjaftuar një mbrëmje nën hije per Charles De Ketelaere në Salzburg, që kritikat e para të fillojnë të bien shi dhe të shprehin dyshimet e para për belgun. Kjo është jeta e blerjeve të mëdha, dihet tashme… Por belgu duhet lënë të rritet me durim dhe mbi të gjitha duhet t’i jepet kohë të vendoset, sepse cilësitë janë evidente.
Edhe të martën, në një ndeshje të vështirë, ai gjithsesi arriti të ndriçojë lojën e kuqezinjve, qoftë edhe për një levizje. Siç raportohet mëngjesin e sotëm nga Gazzetta dello Sport, Stefano Pioli gjithashtu e kuptoi se nuk e kishte vënë De Ketelaere në kushtet e duhura për të shkëlqyer:
“A u gjet pak nga shokët e tij të skuadrës? Po, mund të jete, ai u mbulua mirë nga Salzburg. Ndërtimi ynë nuk ishte aq i shpejtë por është e pashmangshme që atij t’i jepet kohë ambjentimi”. Tashmë kjo duhet t’i lërë të qetë tifozët e Milanit, të cilët mund të qetësohen nga fakti se trajneri i kuqezinjve është plotësisht i vetëdijshëm për situatën, përkatësisht atë të mbajtjes së një diamanti në duar që, si të gjithë diamantet, duhet të fshihet.
Gjithashtu sepse gjatë këtyre javëve të para si kuqezi, De Ketelaere ka shfaqur tashmë ide dhe ndezje të rëndësishme. Christian Panucci, i cili foli për Mediaset pas ndeshjes Salzburg-Milan, komentoi momentin e Charles De Ketelaere duke i dhene nje mesazh tifozeve kuqezi.
“Duhet t’i japim pak kohë. Ai ka cilësi dhe forcë, do të dalë ne pah. Në një muaj e gjysmë ai ndryshoi gjithçka: stërvitje, kontekst, nga Belgjika ai mbërriti në Milano në një ekip me traditë të madhe që dëshiron të fitojë sërish. Ai është një lojtar për të cilin gjithsesi do të dëgjojmë shumë te flitet ne te ardhmen”
