“Dy vjet më parë i thashë vetes…” Giroud flet mbi të ardhmen e tij te L’Equipe
Qendërsulmuesi i Milanit, Olivier Giroud, po konfirmon veten si një nga protagonistët në radhët e kuqezinjve edhe në këtë fillim të ri të sezonit. Ish-lojtari i Chelseat ka bërë gjithashtu një fillim të shkëlqyer këtë vit dhe Pioli ka besim të verbër tek ai.
Ish-Chelsea është i vetmi që jep garanci në sulmin kuqezi, pasi dëmtimet e ndryshme kanë ndalur si Divock Origi ashtu edhe Ante Rebic. Giroud në këtë periudhë e gjeti veten duke nisur si titullar me fanellën e djallit për tetë ndeshje radhazi, të cilave duhet t’i shtohen edhe ato me kombëtaren e tij dhe rezultatet kanë qenë gjithmonë të shkëlqyera.
Sulmuesi ka folur për këtë në një intervistë për skuadrën, në të cilën ka saktësuar: “Jam kthyer nga pushimet në formë të shkëlqyer pasi kam pushuar. Përfundimi i sezonit tonë kishte qenë i vështirë për garën e Scudettos. E kemi kërkuar dhe e kemi arritur, dhe tani do të jetë edhe më e vështirë sepse do të duhet të konfirmojmë veten.
Gjithashtu e nisa mirë me katër gola dhe një asistim në tetë ndeshje në Serie A dhe një tjetër në Champions League”. Më pas Giroud foli edhe për të ardhmen e tij për gazetën franceze:
“Gjithmonë e kam thënë: përderisa kam aftësitë fizike, për sa kohë që trupi im ta lejon, do të përpiqem të arrij nivelin më të lartë. Këtë motivim të madh e mbaj gjithmonë në kokën time.
Dy vjet më parë i thashë vetes të vazhdoj edhe dy vite të tjera, por tani jam ende shumë mirë. Kontrata do të skadojë në fund të vitit, pastaj do të shohim. Por unë nuk i vë kufij vetes”.
