E KRYER! Haaland bie dakord me të gjitha kushtet, ja klubi ku po transferohet
Mediat britanike konfirmojnë mëngjesin e sotëm se Manchester City ka rënë dakord për kushtet personale me Erling Haaland dhe pritet të paguajë klauzolën e lirimit të tij nga Borussia e Dortmundit këtë javë.
Erling Haaland do të jetë qendërsulmuesi i ri i Manchester Cityt nga vera e ardhshme. Kërkesa e Guardiolës për numrin e madh 9, e manifestuar menjëherë pas lamtumirës së Agueros, u pranua pasi fitoi një ankand, që Mino Raiola kishte ngritur në 12 muajt e fundit, ashtu siç vetëm ai dinte të bënte.
Ata që punonin me të, pas vdekjes së tij e kanë përcaktuar deri në detajet e fundit. Ankandi kishte nisur verën e kaluar dhe të gjithë e dinin se do të mbaronte vetëm më 2022, me pagesën e klauzolës prej 75 milionë euro, që ishte një hap themelor për transferimin e tij.
Para dy vitesh e gjysmë, norvegjezi preferoi të shkoi te BVB, jo te Juventusi, sepse donte të luante rregullisht, ndërsa te “Zonja e Vjetër” kishte konkurrencën e Higuain në atë kohë. Dortmundi konsiderohej hapi i ndërmjetëm para atij madhor në futboll, me një rrogë nga më të mirat në botë ose pothuajse. Raiola e kishte lexuar mirë dhe para vdekjes e vendosi klientin e tij në skuadrën që më shumë se kushdo tjetër do t’i garantojë fitore, paraqitje dhe para.
Cili menaxher në futbollin e sotëm është i suksesshëm në operacione të tilla? Kush e ka sot personalitetin në botë që të kritikojë hapur një trajner si Guardiola dhe pastaj ta mbyllë me të, sepse është zgjidhja më e mirë për klientin e tij, një marrëveshje me vlerë qindra milionë euro?
Vështirë të thuhet, ndoshta asnjë. Gjithashtu për shkak se sot menaxherët janë gjithnjë e më shumë ndërmjetës, ata punojnë edhe për klubet, edhe për klientët e tyre. Në të vërtetë, shpesh më shumë për klubet sesa për klientët e tyre…
.
