Finale Conference League/ Mbyllet pjesa e parë e Roma-Feyenoord, Roma në avantazh
Roma kryeson ndaj Feyenoord pas 45 minutash, me një gol të shënuar nga Nicolo Zaniolo, në minutën e 32-të.
Një finale që nisi e vakët, me dy skuadrat që mundohen të studiojnë njëra-tjetrën dhe nuk lënë shumë hapësira. Minutat e para nuk dhurojnë shumë.
Herë herë edhe të dyja ekipet gabojnë në pasime, çka çon edhe në mungesën e rasteve për gol.
Në minutën e 15-të Roma humbi edhe Mkhitaryan për shkak dëmtimi.
Gjithsesi, Roma ia doli ta ndezë atmosferën pas gjysmë ore lojë. Nicolo Zaniolo ishte ai që ndëshkoi skuadrën holandeze dhe italianët shpërthyen në festë, kur panë që topi kaloi vijën fatale.
Sigurisht, djemtë e Mourinho me rezultatin 1-0 e kanë të qartë çfarë duan të bëjnë dhe ia dalin në 45 minutat e para të mos ndëshkohen, edhe pse në të 41’ portieri Rui Patricio tregoi pasiguri, pas një gjuajtjeje nga jashtë zone.
