GDS | Pioli përballet me zgjedhje të vështira para Milan-Chelsea!
Stefano Pioli ka disa vendime të mëdha për të marrë ndërsa Milani përgatitet për përballjen e së martës në Ligën e Kampionëve me Chelsean në San Siro, por ka rikthyer Theo Hernandez. Kuqezinjtë u mundën 3-0 në Stamford Bridge në fillim të kësaj jave, ndërsa mungonin 12 lojtarë mes lëndimit dhe disponueshmërisë evropiane.
Theo Hernandez u rikthye në fitoren 2-0 të së shtunës në Serie A ndaj Juventusit, por Piolit i mungojnë ende Mike Maignan, Simon Kjaer, Davide Calabria, Junior Messias, Alessandro Florenzi, Alexis Saelemaekers dhe Zlatan Ibrahimovic.
Ai gjithashtu nuk mund të thërrasë Aster Vranckx, Yacine Adli, Tiemoue Bakayoko dhe Malick Thiaw në Champions League për shkak të kufizimeve të skuadrës. Divock Origi dhe Ante Rebic nuk janë ende në formë të mjaftueshme për të filluar titullare, kështu që në rastin më të mirë do të jenë në stol.
Surpriza e madhe e bërë nga Pioli kundër Juventusit ishte një kalim nga formacioni 4-2-3-1 në 4-3-3, me Rafael Leao dhe Brahim Diaz të gjerë në krahë për të mbështetur Olivier Giroud.
Kjo u prezantua për shkak se Milanit i mungojnë si mbrojtësit e djathtë të zgjedhjes së parë, ashtu edhe anësorët sulmues të krahut të djathtë. Mbetet për t’u parë nëse ata do të përsërisin eksperimentin në një përballje të Champions League me Chelsean.
Sergino Dest u zevendesua nga Pierre Kalulu, i cili u zhvendos nga qendërmbrojtës në anën e djathtë të mbrojtjes, me Matteo Gabbia në qendër, një situatë tjetër që mund të përmbyset në Evropë.
Në fund të fundit, Gabbia kishte luajtur vetëm 31 minuta futboll këtë sezon përpara se të fillonte titullar kundër Juventusit dhe ka shumë pak përvojë evropiane.
Rade Krunic ka të ngjarë të zëvendësojë Tommaso Pobega në mesfushë, megjithëse atij ndoshta nuk do t’i kërkohet të mbuloje përsëri Thiago Silva-n në goditjet standarte.
Pikëpyetja e madhe është mes Brahim Diaz, i cili shënoi një gol te mrekullueshem kundër Juves duke vrapuar nga gjysma e fushes se tij, dhe nënshkrimit të verës Charles De Ketelaere.
Il Milan anti Chelsea? Difesa verso la conferma, dubbi su sistema e uomini davanti https://t.co/p7u7QlpGqZ
— La Gazzetta dello Sport (@Gazzetta_it) October 9, 2022
