Kosova e injoron, klubi i La Ligës kërkon “Vedat Muriqin e ri”
Vedat Muriqi rezultoi profili i duhur për kamoionatin spanjoll. Sulmuesi nga Prizreni po shkëlqen me gola për Mallorca-n dhe kjo ka nxitur Celta Vigon të shohë për një profil të ngjashëm për repartin e saj të avancuar. Kandodati kryesor është Mirlind Daku.
Me një posturë të ngjashme me Muriqin dhe me një nuhatje të mirë për golin, sulmuesi shqiptar ka joshur drejtuesit e klubit të La Liga-s.
Ish-lojtari i Kukësit që dështoi të gjurmë në kampionatin shqiptar, shkëlqeu me gola me ekipin e Ballkanit, ndërsa të njëjtën gjë është duke e bërë edhe tani me fanellën e Muras në Slloveni.
Mediat spanjolle raportojnë për një transferim të mundshëm të Dakut në merkaton e janarit. Kartoni i sulmuesit vlerësohet me shifrën 800 mijë euro nga “Transfermarkt”.
Ndërkohë Kosova e ka injoruar dhe nuk e ka thirrur prej kohësh Dakun dhe pse ai gëzon një formë të mirë dhe mund të ndihmonte ekipin në ndeshjet eliminatore.
Khët e fundit kanë dalë thashetheme që Daku i është vetëofruar Shqipërisë, por theksojmë që nuk ka asnjë burim zyrtar, thjesht në kuadrin e thashethemeve.
