Krunic: “Scudetto? Vitin e kaluar na bezdisën… Ndihem pak i nënvlerësuar. Me Leao në fushë…”
Mesfushori i Milanit, Rade Krunic është intervistuar përpara ndeshjes ndaj Empolit nga platforma Dazn, në formatin 1vs1. Për ndeshjen kundër Napolit: “Kemi luajtur një lojë me intensitet dhe cilësi të madhe. Fatkeqësisht rezultati mungoi, por performanca mund të na japë vetëm besim. Na mungonte diçka në 20-30 metrat e fundit dhe mund të kishim shënuar një gol sidomos në pjesën e parë, por jemi të kënaqur me paraqitjen”.
Për golat e pesuar dhe disavantazhet e shpeshta: “E vërtetë, na tha edhe trajneri. Ky vit është më i vështirë sepse çdo skuadër dëshiron të na mundë sepse jemi kampionë të Italisë. Por nëse humbim 1-0 apo 2-0, loja nuk ka mbaruar kurrë për ne dhe luajmë deri në momentin e fundit”.
Për ndjesine e te qenurit favorit: “Edhe vitin e kaluar askush nuk besoi tek ne, por ne kemi qenë gjithmonë të vetëdijshëm për cilësinë dhe ekipin tonë. Deri në tre ditët e fundit, askush nuk foli për ne si ekip i gatshëm për të fituar Scudetton. Në dy vitet e fundit kemi bërë një punë shkatërruese: kemi humbur shumë pak ndeshje dhe luajmë gjithmonë në një nivel shumë shumë të lartë. Vitin e kaluar më shqetësoi që askush nuk besonte tek ne ”
Për pritshmerite: “Që kur kemi qenë kampionë të Italisë, gjërat kanë ndryshuar, por ne kemi akoma më shumë uri. Sa më pak të flasin për ne, aq më shumë ndihemi të fortë dhe të gatshëm për të fituar Scudetton”.
Për të qenë një lojtar i nënvlerësuar në media: “Ndihem pak i nënvlerësuar, sinqerisht. Por këto gjëra ndodhin në futboll sepse ka lojtarë që konsiderohen më të rëndësishëm në dhomat e zhveshjes. Që kur kam qenë në Milano, kam ndjerë besimin e klubit, trajnerit, stafit dhe gjithashtu bashkëlojtarëve të mi. Me siguri nëse do të shënoja disa gola apo asistime më shumë do të flisnin më mirë…”.
Për rritjen e tij: “Më duhet të bëj më shumë goditje në portë, sepse ndoshta vitin e kaluar kam pasur shumë pak shanse: nuk mund të shënosh nëse nuk gjuan në portë. ”
Për të sapoardhurit më të mirë: “Di Maria për mua është një lojtar i madh që ka luajtur në ekipe shumë të rëndësishme në botë dhe ai ka ngritur nivelin e Serisë A, si shumë blerje të tjera si ato që kemi marrë. Me siguri kampionati do të jetë edhe më interesant”.
Për ëndrrën e tij: “Ëndrra ime kryesore ishte të bëhesha një lojtar profesionist në këtë nivel dhe të luaja në Serie A dhe ia kam arritur. Më pas të luash në një ekip si Milani që do të thotë shumë është një ëndërr tjetër e arritur si dhe titulli i Serisë A. Sigurisht që ne luajmë për Scudetton: nuk mbaron këtu, dua të fitoj sa më shumë që të jetë e mundur dhe të bëj diçka më shumë. në Champions League sepse ne kemi një ekip të fortë dhe askush nuk do të jetë i lumtur të përballet me ne.
Për Leao: “Ishte padyshim thelbësor vitin e kaluar dhe do të jetë edhe këtë vit. Ne treguam se mund të luajmë edhe pa ate dhe te tjere dhe se forca jonë është grupi: por me Rafa jemi më të fortë”.
Idhulli i fëmijës: “Kakà” Mesfushori më i vështirë për t’u përballur: “Brozovic” Lojtari më i fortë në 1 kundër 1: “Leao” Ekipi i zbulimit: “Natyrisht Udinese” Hobi: “PlayStation” Kujtimi më i mirë: “Scudetto”
