Kryebashkiaku gjen zgjidhjen: Dru, dru për t’u ngrohur!
Kryebashkiaku i Riminit, Jamil Sadegholvaad, ka këshilluar banorët që të përdorin një metodë të vjetër për të ruajtur energji sepse duket se kriza e energjisë është botërore.
Ai ka zgjedhur të shtyjë masat kundër smogut të Rajonit për të përmirësuar cilësinë e ajrit: kufizimet, në fakt, do të rëndonin shumë mbi xhepat e qytetarëve duke pasur parasysh super rritjet e pritshme të faturave të gazit.
Ai ka dhënë dritë jeshile për të hapur vatrat e zjarrit dhe sobat me dru, gjë që plani e ndalon për zonat nën 300 metra mbi nivelin e detit, por duket zgjidhje logjike dhe e pashmangshme.
“Do të jetë vetëm për këtë vit. Tani për tani nuk mund të mos marr parasysh urgjencën reale të energjisë, me faturat e shtrenjta që po bien ashpër mbi shpenzimet dhe kushtet e jetesës së familjeve, dhe se do të bjerë edhe më shumë në javët në vijim” ka thënë ai.
Këshilltarët për mjedisin kanë shprehur nevojën për të balancuar nevojat mjedisore (përmirësimi i cilësisë së ajrit) me ato ekonomike dhe sociale, në një kohë vështirësish serioze për familjet, organizatat dhe bizneset.
Shqipëria po e vuan po ashtu krizën energjitike, ndërsa qeveria ka vendosur të shtyjë rritjen e saj dhe për tetorin, por duket se nëntori do të jetë muaji kur do të shtrenjtohet energjia më shumë. /abcnews.al
