Luajti vetëm 15 minuta ndaj Milanit, Broja vlerësohet me notë shumë të dobët
155 minuta ka luajtur me Çelsin këtë sezon Armando Broja. Për të, 5 prezenca në kampionat për një total prej 85 minutash, të cilave u bashkohen 70 minutat e grumbulluara gjatë tri prezencave në fazën e grupeve.
Për shqiptarin asnjë gol dhe asnjë asist deri në këtë pikë të sezonit, teksa dje ndaj Milanit u mundua të tregonte se interesi i kampionëve të Italisë ndaj tij nuk është rastësor.
I futur në fushë për të zëvendësuar Stërlingun, 21-vjeçari u vendos në rolin e terminalit ofensiv, por në 17 minuta lojë së bashku me shtesat nuk u shërbye asnjëherë në mënyrë që të provonte portën.
10 prekje topin për Brojën dhe 86 për qind sukses në kontroll. Nota totale e paraqitjes së tij ishte 5.9 sipas “Transfermarkt”.
Në fakt duket një vlerësim jo i drejtë duke pasur parasysh që në momentin që Broja hyri në fushë, rezultati i ndeshjes ishte vendosur.
Lojtarët e tjerë të Chelseas thjesht sa po shtynin minuta pasi nuk kishin asnjë arsye më për t’u lodhur. Tani i urojmë Brojës më shumë minuta në fundjavë në Premier League.
