Milan, njoftimi i Piolit: do të ndodhë nesër në mëngjes! “Kemi programuar një test…”
Neser ne orën 21:00 në stadiumin Maksimir do të zhvillohet ndeshja e pestë e fazës kualifikuese te grupit te Champions League. Milani është ndalur në 4 pikë dhe kërkon hakmarrje pas humbjeve te dyfishta ndaj Chelsea.
Ende disa dyshime për formacionin për kuqezinjtë. Stefano Pioli, pak para konferencës për shtyp para ndeshjes, ka folur për Sky Sport për zgjedhjet përfundimtare për nesër. Shqetësimi ka të bëjë me Brahim Diaz. Playmaker-i, i cili po përjeton një moment magjik në kampionat, vuan nga një lodhje e lehtë:
“Brahimi është më mirë, nesër në mëngjes do të bëjmë një prove para ndeshjes në hotel, shpresojmë të jetë pjesë e ndeshjes” – pranoi Pioli. për të shpjeguar kushtet e spanjollit. Pioli vlerësoi edhe kroatin Rebic: “Ai është një lojtar i madh. Është i zoti. Lojtarët e mëdhenj si ai janë idealë për lojëra të caktuara. Sigurisht që duhet të luajmë si ekip, por cilësitë e individëve mund të jenë vendimtare”.
Konferenca sakaq e pa Piolin t’i pergjigjej gazetareve. “Na pret një sfidë shumë e rëndësishme, nëse duam të ecim përpara duhet të bëjmë më të mirën”. Dëshironi revansh pas Chelseat? “Nuk kemi nevojë për zemërim, por përqendrim, qartësi. Këtu Dinamo nuk ka humbur që nga dhjetori 2021, jemi të vetëdijshëm, duhet të kemi qasjen e duhur dhe të jemi të vazhdueshëm”.
Si arrin Milani? “Epo, tani jemi mësuar me kohë të caktuara. Kishim kohë për të punuar, për të rishikuar ndeshjen e parë”. Çfarë duhet për të fituar? “Duke luajtur me vazhdimësi, vëmendje, kompaktësi. Herë pas here ne ende humbasim distancën, na bën të vrapojmë më shumë, nesër nuk ka pse të ndodhë”.
Ndeshja më e rëndësishme e juaja te Milani? “Për mua të gjitha ndeshjet janë të rëndësishme, po ashtu edhe për ekipin, për mënyrën se si punojmë. Të gjitha ndeshjet i përballojmë sikur të ishin vendimtare. Përgatitja është bërë shumë në nivel tekniko-taktik, nuk mendoj se duhet t’i motivojmë djemte”.
Çfarë keni mësuar nga Dinamo? “Ekipi i shpejtë, dinë të rifillojnë me cilësi, kanë sulmues të fortë. Duhet të jemi të kujdesshëm, ata janë të gjithë lojtarë të nivelit që po e fitojnë kampionatin lehtësisht dhe po bëjnë mirë në Champions League”.
