“Mos më bo mu si papagalli o shoku polic” Mziu bën “spektakël” me Ndreun
Në Komisionin e Reformës Territoriale të zhvilluar ditën e sotme, Xhelal Mziu është kapur me fjalë me kryebashkiakun e Lezhës, Pjerin Ndreu.
Me tone të larta, Mziu iu drejtua duke i thënë mos marrë rolin e policit. “Asnjë prej jush nuk foli për kompetencë dhe ekonominë, Nuk shkon e zgërdhimja.
Mos kalo në rolin e policit tani. Mos më bo mu si papagalli. Rri aty te kanalet, se nuk i kupto shumë gjërat ti.
O shoku Pjerin…shoku polic, ku merr vesh nga shifrat t’i, je dru fare nga kjo pjesë, vazhdoi ai.
Reforma territoriale e 2015 nxori në pah edhe probleme. A nuk do ishte normale që një bashki të kishte kompetencën e arsimit parauniversitar?
Nuk e di kush është qëndrimi juaj. A nuk do të ishte normale, që shërbimi parësor të jetë kompetencë e bashkisë, apo edhe qarkullimin rrugor sidomos brenda qytetit”, tha ai.
