“Nuk e mendoja aq të fortë fizikisht” Calabria befason nga konferenca! Mbi Champions: “Ja çfarë ndryshon nga vjet”
Davide Calabria ka dale perpara medieve per te folur per ndeshjen ndaj Salzburg qe do te hape Champions League per Milanin kete sezon, ne nje grup qe sheh gjithashtu dhe Chelsea e Dinamo Zagreb.
Sa gati ndiheni për Champions League? “Mezi presim të fillojmë. Jemi përgatitur shumë mirë, të gjithë mezi presim ta luajmë këtë kompeticion. Një kompeticion si Champions League duhet të jetë shtëpia jonë, ne jemi shumë të gatshëm për nesër”.
A e perceptoni një pjekuri të ndryshme këtë vit? “Vitin e kaluar mendoj se ishte një nga grupet më të vështira në historinë e Champions League, nga pikëpamja e lojës bëmë një grup të mirë. Të luash në këtë nivel të bën të rritesh, shoh një ekip më të pjekur.
Ky nivel që ekziston. këtu në Itali e ke të vështirë ta gjesh, ritmi është shumë më i lartë. Thjesht është mirë t’i luajmë këto lojëra por jemi gati. Mezi pres nesër në orën 21″.
Çfarë ju bëri përshtypje te të rinjte? “Një gjë që më goditi tek të gjithë është dëshira për të provuar vlerën e tyre: kam parë djem të pjekur dhe të gatshëm. Djem të mirë dhe të etur për të mësuar.
Charles sigurisht nuk i mungon talenti, ai është i mirë me topin dhe ka kohë lojë te rëndësishme pa top. Nuk e mendoja Origi të kishte këtë forcë fizike, ai është vërtet i fortë dhe mendoj se mund të na japë një dorë të shkëlqyer gjatë sezonit.”
Krahasuar me një vit më parë, sa jeni pjekur dhe sa jeni të fuqizuar për të qenë kapiten? “Sigurisht që na ka shërbyer shumë, sidomos ndeshjet me Liverpoolin dhe Porton na kanë bërë të kuptojmë intensitetin që ka në këtë kompeticion. Ritmi është shumë më i lartë se në Itali dhe ne kemi marrë atë që na duhej për të përmirësuar nga viti i kaluar. “.
