Refuzoi Shqipërinë dhe Kosovën dhe u zyrtarizua te Zvicra! Tani e kërkon Arsenali
Ardon Jashari është një nga lojtarët që po spikat gjithnjë e më shumë te ekipi i Luzernës, ku është graduar edhe zëvendëskapiten.
20-vjeçari raportohet të ketë rënë në radarët e Arsenalit, që po mendojnë të investojnë te ai për të ardhmen dhe djaloshi me origjinë shqiptare shihet si një talent premtues.
Jashari ka bërë edhe zgjedhjen e tij sa i përket ekipit kombëtar. Mesfushori i talentuar ka pranuar ftesën e Zvicrës, me të cilët është grumbulluar për herë të parë për sfidat e këtij muaji kundër Spanjës dhe Rebublikës Çeke.
Zgjedhja nuk ishte e vështirë për futbollistin shqiptar, që në një prononcim për “Blick.ch” është shprehur se Kombëtarja helvete ishte çështje zemre.
“Për mua, kjo është një çështje zemre. Për mua dhe familjen time është realizuar një ëndërr me skuadrën e Kombëtares”, ka thënë Ardon Jashari.
Kështu që Shqipëria dhe Kosova s’kanë pasur asnjë shans për ta afruar duke parë që djaloshi ka qenë i vendosur për zgjidhjen e tij dhe s’ka pas asnjë dyshim.
