Rikthim i bujshëm, mesfushori shqiptar firmos për Olympiakos
Pajtim Kasami rikthehet në Greqi pas pesë vitesh. Qendërmesfushori me origjinë shqiptare, i cili numëron 12 ndeshje dhe 2 gola me kombëtaren e Zvicrës, ka firmosur me Olympiacosin.
Kjo nuk do të jetë aventura e tij e parë me rekordmenët e futbollit grek, pasi 30-vjeçari luajti në Pire edhe në vitet 2014-2016.
Një afrim me kosto zero për Olympiacosin, pasi Kasami qëndronte pa ekip prej muajit korrik, kur i dha fund aventurës me helvetët e Baselit.
Gjatë aventurës së tij të parë me ekipin grek, mesfushori fitoi dy tituj kampionë dhe një Kupë Greqie, ndërkohë që realizoi 9 gola në total në 66 ndeshje.
Kujtojmë që Olynpiakos ka bërë një merkato të shkëlqyer me emra të mëdhënj këtë verë dukë afruar lojtarë ‘big’ si Marcelo apo James Rodriguez.
Synimi i këtij klubi është jo vetëm triumfi i padiskutueshëm në Greqi, por të bëjë mirë edhe në kompeticionet europiane si Europa League.
