Të marrin shembull ekipet e Superiores, Arsenali i jep mundësinë të luajë në PL një fëmije me plot ëndrra

Lojtarët e Arsenalit mposhtën sot skuadrën e Brentfordit 0-3. Megjithatë, pesëmbëdhjetëvjeçari Ethan Nwaneri, i cili pati mundësinë të debutonte për Arsenalin, do ta mbajë mend ditën e sotme për gjithë jetën.

Në minutat e fundit të ndeshjes ai hyri në lojë në vend të Fabio Vieira-s dhe kështu bëri debutimin zyrtar.Përveç kësaj, në moshën 15 vjeç e 181 ditë, Ethan Nwaneri u bë futbollisti më i ri në histori që debutoi në Premier League.

Ky futbollist i ri luan në pozicionin e mesfushorit dhe pritshmëria e tij te Arsenal parashikon një karrierë të shkëlqyer për këtë futbollist.

Ai ka lindur më 21 mars 2007 dhe luan edhe për Anglinë U-16, ndërsa është e sigurt që ëndrra e tij u realizua sot. Deri në ndeshjen e sotme rekordin e mbante lojtari i Liverpool-it, Harvey Elliot, i cili debutoi në moshën 16 vjeç e 30 ditë.

Granit Xhaka asistoi tek goli i dytë për Gabriel Jesus.Pas ndeshjes, Jesus e lavdëroi Granit Xhakën, duke thënë se është shumë lojtar cilësor.

“Ai më asistoi për golin dhe jam shumë i lumtur që luaj me të, ai është një lojtar inteligjent dhe cilësor”, tha Jesus për Sky Sport.