Tirana “mburret” me Xhixhën dhe Kallakun, rekord shpejtësie në fushë ndaj Partizanit (foto)
Tirana arriti që të fitonte me shifrat 2-0 ndaj Partizanit në derbin e Superiores. Të dy golat erdhën nga ana e Redon Xhixhës, që tregoi fare mirë klasin e tij në këtë takim.
Ndërkohë faqja e bardhebluve ka treguar disa statistika interesante. Në golin e parë, Xhixha ka përshkruar 43 metra në 5.1 sekonda, ndërsa në të dytin ka përshkruar 65.2 metra në 8.1 sekonda.
Rekordin e shpejtësisë në këtë takim e mban Sherif Kallaku që ka vrapuar me 33.7 kilometra në orë, duke bërë 24.2 metra në 2.9 sekonda.
Tirana e nisi këtë sezon të ri me disa luhatje të vogla në rezultate. E pritshme, te bardheblutë kanë bërë jo pak ndryshime nga viti që u shpallën kampion. Megjithatë kjo skuadër ka arritur që të mbajë të njëjtin ritëm.
Si për rastësi të fatit, edhe në sezonin e shkuar, derbi me Partizanin ishte në javën e gjashtë. Asokohe Tirana do ta fitonte sërish derbin dhe do të grumbullonte 14 pikë pas 6 javësh, ndërsa tani ka vetëm 3 pikë më pak, 11 të tilla.
Diferenca është e madhe mes lojtarëve kryesorë. Atëherë Taulant Seferi kishte gjetur vetëm dy gola në gjashtë javë, ndërsa Redon Xhixha “i lë targën” dhe numëron 7 gola të shënuara në 6 javët e para.
