Viti i ardhshëm shkollor/ Evis Kushi: Nis më 12 shtator dhe rikthehen pushimet e prillit
Viti i ri shkollor 2022-2023 nis më 12 shtator. Lajmi është bërë me dije nga ministrja e Arsimit, Evis Kushi.
Ministrja Kushi, përmes një postimi në Facebook, bëri të ditur se është nënshkruar struktura e vitit të ri shkollor për të gjithë arsimin parauniversitar.
Sipas saj, lajmi i mirë për nxënësit dhe mësuesit e arsimit 9-vjeçar, është se vitin e ardhshëm do të kenë edhe një javë më shumë pushim, pas periudhës së dytë mësimore, nga data 3-9 prill 2023.
Postimi i plotë i ministres Kushi:
Të dashur nxënës dhe mësues,
Ju njoftoj se, sapo nënshkruam strukturën e vitit të ri shkollor 2022-2023 për të gjithë arsimin parauniversitar, i cili fillon më datë 12 shtator 2022.
Për nxënësit dhe mësuesit e arsimit 9-vjeçar lajmi i mirë është se vitin e ardhshëm do të kenë edhe një javë më shumë pushim pas periudhës së dytë mësimore, nga data 3-9 prill 2023.
Në këto ditë nxënësit do të pushojnë por edhe luajnë dhe argëtohen për të marrë energji të reja për periudhën e fundit, ndërsa mësuesit do të kenë më shumë kohë për vlerësimet e nxënësve dhe përgatitjet në vijim.
Suksese të gjithëve!
