Marine Le Pen, liderja e ekstremit të djathtë, ka reaguar menjëherë pas publikimit të “exit poll”-eve, të cilat i dhanë një mandat të dytë Emmanuel Macron në krye të Francës, me mbi 58 përqind të votave.

Teksa falënderoi mbështetësit e saj në këtë garë, Le Pen, tha se rezultati, i parashikuar për humbje, ishte një fitore për partinë e saj.  

Le Pen shtoi se do ta vazhdojë luftën e saj politike në Francë edhe pse më parë ishte shprehur se mund të largohej në rast humbjeje.